క్రైస్తవంలోకి మారితే కులం గుర్తింపు ఉండదు - సుప్రీంకోర్టు

 

షెడ్యూల్డు కులాలకు చెందినవారు క్రైస్తవమతంలో ఉండి తిరిగి తమ మాతృధర్మమైన హిందుత్వంలోకి వస్తే వారిని షెడ్యూల్డు కులంగానే పరిగణించాలని, షెడ్యూల్డు కులాలకు వర్తించే రిజర్వేషన్ సౌకర్యాలు వారికి వర్తిస్తాయని ఈ మధ్య సుప్రీంకోర్టు ఒక తీర్పులో చెప్పింది. ఈ తీర్పులో ఇంకా ఈ విధంగా వివరించింది. ఒక వ్యక్తి యొక్క తల్లిదండ్రులు క్రైస్తవులైతే, ఆ వ్యక్తి తిరిగి హిందూధర్మంలోకి వస్తే తన పూర్వీకులు షెడ్యూల్డు కులాలకు చెందినవారేనని గుర్తింపు పత్రం తెచ్చుకోవాలి. షెడ్యూల్డు కులం గురించి 1950 తరువాత వచ్చిన ఆర్డర్ ప్రకారం సదరు వ్యక్తి ఆ కులం యొక్క ఆమోదం కూడా పొందాలని జస్టిస్ దీపక్ మిశ్రా, జస్టిస్ వి.గోపాల్ గౌడ్ లతో కూడిన సుప్రీంకోర్టు ధర్మాసనం వివరించింది. 

 

ఈ తీర్పును అనుసరించి క్రైస్తవంలోకి మారిన వ్యక్తికి కులం గుర్తింపు ఉండదు, అతనికి ఆ కులంతో సంబంధం లేదు అని అర్థం. ఇంత స్పష్టంగా విషయాలు చెప్పబడి ఉంటే, రాజకీయ నాయకులు దళిత క్రైస్తవులకు, దళిత ముస్లింలకు రిజర్వేషన్లు కల్పిస్తామని చెప్పటం రాజ్యాంగాన్ని ధిక్కరించటం మరియు ప్రజలను మభ్యపెట్టడం అవుతుంది.